05:31:03 5°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Տիգրան Առաքելյանի «ԶԱԿՈ» անիմացիոն նախագիծն ընտրվել է մասնակցելու Անսիի միջազգային կինոփառատոնին. ՀՀ ազգային կինոկենտրոն

    12:27 11 Դեկտեմբեր 2023

    Հայաստանի ազգային կինոկենտրոնից տեղեկացնում են, որ  ռեժիսոր Տիգրան Առաքելյանի «ԶԱԿՈ» լիամետրաժ անիմացիոն նախագիծն ընտրվել է մասնակցելու Անսիի միջազգային կինոփառատոնի 4–րդ RESIDENCY ծրագրում՝ լիամետրաժ անիմացիոն ֆիլմի գրաֆիկայի զարգացման համար։

    «Հայաստանի ազգային կինոկենտրոնը մաղթում է նորանոր հաջողություններ ֆիլմի ստեղծագործական ամբողջ կազմին:

    ԶԱԿՈ լիամետրաժ անիմացիոն ֆիլմը հիմնված է նկարիչ Տիգրան Մանգասարյանի համանուն գրաֆիկական նովելի վրա, որը նրա հոր՝ նկարիչ Սարգիս Մանգասարյանի կյանքի պատմությունն է։ Իրադարձությունները, որոնց միջով անցել է հայ նկարիչը, ապշեցնում են իրենց դրամատիզմով։ Երկրորդ համաշխարհային պատերազմի ժամանակ՝ գերեվարվելով և անցնելով Ռեյխի ճամբարներով, նա կարողանում է ողջ մնալ իր նկարչական տաղանդի շնորհիվ և ստիպված է լինում նկարել իր դահիճներին և իրենց կանանց։

    Հայրենիք վերադառնալուց հետո, 1956թ.-ին Զակոն հնարավորություն է ունենում այցելել Պիկասոյի ցուցահանդես և կանգնելով Գերնիկայի հսկայական նկարի դիմաց տեսնում է Երկրորդ համաշխարհային պատերազմի օրերին իր անցած ողջ դժոխքը: Նա հասկանում է, որ կայանալով որպես նկարիչ, մնացել է «ԽԱԿ» տոտալիտար համակարգի ազդեցության արդյունքում։ Նկարիչ Սարգիս Մանգասարյանը ծնվել է Սովետական Միության հետ և մահացել դրա փլուզման հետ։

    Ռեժիսոր՝ Տիգրան Առաքելյան, պրոդյուսեր՝ Սուսաննա Խաչատրյան, սցենարիստ՝ Էդգար Բաղդասարյան, բեմադրող նկարիչ՝ Տիգրան Մանգասարյան»,-գրվածէ  Հայաստանի ազգային կինոկենտրոնի ֆեյսբուքյան էջում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս