Արցախից տեղահանվածների կեցության ծախսերի փոխհատուցումը հունվարից ի՞նչ է լինելու. Լիլիթ Բլեյան
Գնել Սանոսյանը և Թուրքիայի տրանսպորտի և ենթակառուցվածքների նախարարը Ստամբուլում հանդիպում են ունեցել
Ընտանիքի 5 անդամները, որոնցից 3-ն անչափահաս են, թունավորվել և տեղափոխվել հիվանդանոց
Ֆրանսիան կոչ է արել Չինաստանի զորավարժություններից հետո խուսափել Թայվանի նեղուցում էսկալացիայից
Չորեքշաբթի Երկրի վրա թույլ մագնիսական փոթորիկ է սպասվում
Ռուսաստանը չի միջամտում Վրաստանի ներքին գործերին․ Պեսկով
Բայդենի վարչակազմը երաշխիքներ է տվել, որ Բեյրութում և դրա արվարձաններում Իսրայելի հարվածները կքչանան. Լիբանանի վարչապետ
Վիճաբանություն և դանակահարություն՝ Երևանում. բժիշկները պայքարում են վիրավորի կյանքի համար
Օրակարգ, ծրագիր, վճռականություն․ պարտադիր կետեր՝ ընդդիմադիր առաջնորդի համար․ Նարեկ Մալյան
Լիբանանում 24 ժամվա ընթացքում ավիահարվածների հետևանքով 41 մարդ է զոհվել

Փրկարար ծառայությունն ամփոփում է հակահրդեհային միջոցառումներին ուղղված հանրային իրազեկման աշխատանքները

21:22 18 Սեպտեմբեր 2024

Հրդեհավտանգ սեզոնի ավարտով պայմանավորված՝ Փրկարար ծառայությունն ամփոփում է հակահրդեհային միջոցառումներին ուղղված լայնածավալ հանրային իրազեկման աշխատանքները։
«ՀՀ ՆԳՆ փրկարար ծառայությունն ամփոփում է ՓԾ տնօրեն-ներքին գործերի նախարարի տեղակալ, փ/ծ գեներալ-մայոր Կամո Ցուցուլյանի հանձնարարականի համաձայն՝ հանրապետության տարածքում իրականացրած հանրային իրազեկման աշխատանքները՝ ուղղված անտառներում և բուսածածկ տարածքներում հնարավոր հրդեհավտանգ իրավիճակների մշտադիտարկմանը, հրդեհների կանխարգելմանը, արագ արձագանքմանը, հրդեհների դեմ պայքարին, դրանց տարածմանը, ինչպես նաև դրանց հետևանքների վերացմանը:
Փրկարարական ծառայողների կողմից հանրային իրազեկման աշխատանքները հիմնականում իրականացվել են հանգստյան և զբոսաշրջության համար նախատեսված վայրերում՝ անօդաչու թռչող սարքերով և բարձրախոսներով։
Միջոցառումների շրջանակներում՝ Երևան քաղաքի փրկարարական և մարզային փրկարարական վարչությունների օպերատիվ խմբերի, հրշեջ-փրկարարական ջոկատների ծառայողների ուժերով, ինչպես նաև Շրջակա միջավայրի նախարարության Հայանտառ ՊՈԱԿ-ի մասնաճյուղերի աշխատակիցների հետ համագործակությամբ, անտառածածկ և բուսածածկ տարածքներում պարբերաբար իրականացվել են հակահրդեհային իրավիճակի մոնիթորինգ, շրջիկ իրազեկում և հակահրդեհային քարոզչական բնույթի աշխատանքներ։
Մինչ օրս ՆԳՆ փրկարար ծառայությունում ձևավորվել է աշխատանքային 902 խումբ, որից 845-ը՝ ՆԳՆ փրկարար ծառայության ստորաբաժանումներից, 57-ը՝ «Հայանտառ» ՊՈԱԿ-ի հետ համատեղ:
Ընդհանուր առմամբ իրազեկման աշխատանքներին ներգրավվել է 1976 փրկարարական ծառայող: ՆԳՆ փրկարար ծառայության ենթակա ստորաբաժանումները բարձրախոսներով և անօդաչու թռչող սարքերի միջոցով իրազեկում են իրականացրել 6700 օբյեկտներում, հանրային վայրերում և անտառամերձ տարածքներում: Մարդաշատ վայրերում հրդեհային անվտանգության կանոնների պահպանման վերաբերյալ տարածվել և փակցվել է մոտ 10000 պաստառ և թռուցիկ:
Միևնույն ժամանակ, հանրային հանգստի գոտիներում և անտառամերձ տարածքներում հնարավոր հրդեհներին արագ արձագանքելու նպատակով արդեն իսկ նախանշված վայրերում 127 մարտական հաշվարկ իրականացրել է հերթապահություն՝ հիմնականում ամենագնաց ավտոմեքենաների ներգրավմամբ։
Փրկարար ծառայությունը մեծ ուշադրություն է դարձնում հանրապետությունում հնարավոր հրդեհավտանգ իրավիճակի կանխարգելման նպատակով իրականացվող համալիր միջոցառումներին, հետևաբար հորդորում է հետևել հրդեհային անվտանգության կանոններին, անցանկալի, երբեմն էլ անդառնալի հետևանքներից խուսափելու, ինչպես նաև հրդեհի առաջացման ռիսկերն արդյունավետորեն նվազեցնելու նպատակով»,-ասված է հաղորդագրության մեջ:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ