Փաշինյանը հավաքել է արևմտյան դեսպաններին և խնդրել օգնել իրեն ադրբեջանական պահանջները «մարսելու» գործում․ Արմեն Աշոտյան

19:16 23 Մարտ 2025

Փաշինյանն անձամբ նախապես հավաքել է արևմտյան դեսպաններին և խնդրել օգնել իրեն ադրբեջանական պահանջները «մարսելու» գործում։ Այս մասին գրել է ՀՀԿ փոխնախագահ, տնային կալանքում գտնվող Արմեն Աշոտյանը՝ մեկնաբանելով այն հարցը, թե «Խաղաղության համաձայնագրի» շուրջ բանակցությունների ավարտի մասին լուրը արժանացավ եվրոպական եւ միջազգային ողջյուններին, իսկ իշխանությունները դա փորձում են ներկայացնել որպես դիվանագիտական հաղթանակ։

«Արդեն հայտնի է, և սա ստույգ տեղեկատվություն է, որ Փաշինյանն անձամբ նախապես հավաքել է արեւմտյան դեսպաններին եւ խնդրել օգնել իրեն ադրբեջանական պահանջները «մարսելու» գործում։

Իրականում ինչու՞ չպիտի ողջունեն, եթե դրսի բազմաթիվ խաղացողների շահերից է բխում նման ենթադրվող փաստաթղթի ստորագրումը։ Դիվանագիտական լեզվից պարզ լեզվին թարգմանելիս, սակայն, այդ արձագանքները ունեն «ողջույն, ողորմելի» իմաստը։

Եթե եվրոպական երկրները իրոք հավանում են կոնֆլիկտների՝ նման ձեւով, միակողմանի զիջումներով, մեկ կողմի շահերի հաշվին հանգուցալուծումը, ապա հորդորում եմ իրենց ճիշտ նույն ձեւով, նույն ալգորիթմով, նույն ոճով այս փորձը փոխանցեն Ուկրաինային։ Եթե սա լավ «խաղաղության համաձայնագիր» է, ապա թող անհապաղ այդ փորձը կիրառեն Ուկրաինայում։ Կանե՞ն»,-ասել է նա։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փաշինյանը հավաքել է արևմտյան դեսպաններին և խնդրել օգնել իրեն ադրբեջանական պահանջները «մարսելու» գործում․ Արմեն Աշոտյան

Լրահոս

Փոխկապակցված նորություններ

Միջազգային լուրեր

Տնտեսություն