Մինչև 18 տարեկաններին անվճար կհատկացվի գլյուկոզայի մոնիթորինգի սարք

09:32 27 Մարտ 2025

Առաջին տիպի շաքարային դիաբետ ունեցող երեխաների ծնողների դիտարկումներն ու առաջարկները լսելու նպատակով Առողջապահության նախարար Անահիտ Ավանեսյանն Աշխատանքի և սոցիալական հարցերի նախարար Նարեկ Մկրտչյանի հետ ընդունել է մի խումբ ծնողների: Հանդիպմանը ներկա է եղել նաև Առողջապահության նախարարության մանկական էնդոկրինոլոգիայի գծով խորհրդատու Ելենա Աղաջանովան:

Անահիտ Ավանեսյանը ներկայացրել է շաքարային դիաբետի կառավարման արդյունավետությանն ուղղված աշխատանքները: Նախարարը նշել է, որ 2026 թվականի բյուջեով նախատեսված է մինչև 18 տարեկան երեխաներին անվճար հատկացնել գլյուկոզայի շարունակական մոնիթորինգի սարքը:

«Սա իսկական հաղթանակ է, երբ խոսում ենք, որ դիաբետ ունեցող մինչև 18 տարեկաններին պետք է տրամադրենք սենսորներ: Ըստ էության` սա միակ բանն է, որ դեռևս արված չէ դիաբետ ունեցող երեխաների համար»,- նշել է Ելենա Աղաջանովան:

Մինչև 18 տարեկան դիաբետ ունեցող երեխաների բուժման ամբողջ շղթան` դեղերի ու թեստային երիզների տրամադրումից մինչև, անհրաժեշտության դեպքում, ստացիոնար բուժում, ապահովվում է պետական պատվերի միջոցով: 2025 թվականի երկրորդ կիսամյակից մեկնարկելու է 18-28 տարեկան շահառուներին թեստ-երիզների և չափիչ սարքերի անվճար տրամադրման ծրագիրը: Նախարարները ծնողներին առաջարկել են, մինչև հաջորդ հանդիպումը, երկու գերատեսչություններին գրավոր ներկայացնեն բոլոր առաջարկները:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ