Այն պահին, երբ իրավապահ մարմինները սկսեցին ցրել բողոքը, այն խաղաղ էր. Վրաստանի օմբուդսմեն

13:25 7 Դեկտեմբեր 2024

Դեկտեմբերի 6-ին Վրաստանի խորհրդարանի մոտ տեղի ունեցած բողոքի ցույցը խաղաղ է անցել, և ՆԳՆ-ն այն ցրելու պատճառ չի ունեցել։ Այս մասին ասված է Վրաստանի օմբուդսմեն Լեւան Իոսելիանիի հայտարարության մեջ։

«Այն պահին, երբ իրավապահ մարմինները սկսեցին ցրել բողոքը, այն խաղաղ էր, և այն ցրելու և հավաքների ազատությանը միջամտելու իրավական հիմքեր չկար», – ասվում է օմբուդսմենի կայքում տեղադրված հայտարարության մեջ։

Նա նաև կոչ է անում ՆԳՆ-ին դադարեցնել ցուցարարներին ցրելը, նրանց բերման ենթարկելն ու հատուկ միջոցներ կիրառելը։ Նա նաև կոչ է արել հնարավորություն տալ բողոքի ակցիայի մասնակիցներին արտահայտել իրենց տեսակետը։

Թբիլիսիում դեկտեմբերի 6-ին հերթական բողոքի ակցիան է սկսվել Վրաստանի խորհրդարանի մոտ։ Ընդհանուր առմամբ, ցույցը խաղաղ էր, ինչպես վերջին երկու օրերին, բայց եղել են առանձին դեպքեր, երբ ցուցարարները հրատեխնիկա են նետել ոստիկանների ուղղությամբ։ Վրաստանի ՆԳՆ-ի տվյալներով՝ վիրավորվել է մեկ ոստիկան։ Կեսգիշերից հետո խորհրդարանի շենքի մոտ հայտնվել են հատուկ ջոկատայիններ։ Անվտանգության ուժերը ցուցարարներին դուրս են մղել խորհրդարանի հարակից տարածքից, մի քանի հոգու են բերման ենթարկել, կիրառել ջրցան մեքենաներ։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Այն պահին, երբ իրավապահ մարմինները սկսեցին ցրել բողոքը, այն խաղաղ էր. Վրաստանի օմբուդսմեն

Լրահոս

Փոխկապակցված նորություններ

Տնտեսություն

Հասարակություն