Թուրքիան չի կարող լինել հայ-ադրբեջանական կարգավորման միջնորդ՝ նույնիսկ տարածք տրամադրելու առումով. «ՀայաՔվե»
Մեկնարկել է Ադրբեջանում հավատարմագրված դիվանագետների այցը Շուշի ու Ստեփանակերտ․ Հաջիև
Ռուբիոն և Լավրովը հեռախոսազրույց են ունեցել Փարիզում ԱՄՆ-Ուկրաինա-Եվրոպա բանակցություններից հետո
Արցախը դարեր շարունակ եղել է հայկական տարածք և հիմա այնտեղ եկեղեցիներն ու սրբատեղիները վերածվում են մզկիթների, ինչը հայկական ինքնության վերացnւմ է. ԵԽ պատգամավոր
Արմավիրի մարզում հրազենային վնասվածքով հիվանդանոց է տեղափոխվել 20-ամյա երիտասարդ․ կասկածյալը հարազատ քույրն է
Ծանրամարտի ԵԱ. Ապրիլի 18-ին Հայաստանն ունի 3 ներկայացուցիչ
Փաշինյանի` «Հանրօգուտ մեդիամիջավայրը» կասկածի տակ դնելն ու Թեւոսյանի հրաժարականը. «Ժողովուրդ»
Արցախի իշխանությունները խիստ դատապարտում են պատգամավոր Խաչատուր Սուքիասյանի անպատասխանատու պահվածքը․ հայտարարություն
Օդի ջերմաստիճանն աստիճանաբար կբարձրանա 10-13 աստիճանով
«Հրապարակ». Որոշել են մարզեր գնալ

Վաղվա խաղը կարևոր է, կներկայանանք ուժեղ կազմով․ Վրաստանի ազգային հավաքականի գլխավոր մարզիչ

18:00 22 Մարտ 2025

Վրաստանի ազգային հավաքականի գլխավոր մարզիչ Վիլի Սանյոլը մամուլի ասուլիս է անցկացրել՝ ՈւԵՖԱ-ի Ազգերի լիգայի փլեյ-օֆֆ փուլում Հայաստանի հավաքականի հետ պատասխան խաղից առաջ։ Ֆրանսիացի մասնագետը նշել է, որ կազմում որոշ փոփոխություններ կլինեն՝ պայմանավորված թիմում առկա բարձր մրցակցությամբ, սակայն հիմնական նպատակը մնում է հաղթանակը։

«Լոչոշվիլիի վնասվածքը լուրջ չէ, բայց նա վաղը չի խաղա, որպեսզի լիովին ապաքինվի։ Տակտիկական մեծ փոփոխություններ չեն սպասվում։ Գուրամ Կաշիան վերադառնում է, նա պրոֆեսիոնալ է և հեշտությամբ կհարմարվի։ Պաշտպանությունում շարունակելու ենք խաղալ այնպես, ինչպես Հայաստանում: Թիմում մոտիվացիայի խնդիր չկա, բայց որոշ խաղացողներ իրենց ուժերն ապացուցելու հնարավորություն կստանան։ Մրցակցությունը մեծ է, և բոլորը գիտեն, որ պետք է տան առավելագույնը»,- ասել է Սանյոլը։

Նա հավելել է, որ դարպասապահի դիրքում վաղը կխաղա Մամարդաշվիլին, սակայն հետագայում հնարավորություն կտրվի Գուգեշաշվիլիին, իսկ երիտասարդ Լացաբիձեն ապագայում կդառնա թիմի մաս։ «Չնայած Երևանում 3:0 հաշվով հաղթանակին՝ վաղվա խաղը կարևոր է, և մենք դաշտ դուրս կբերենք ուժեղ կազմ»,- ընդգծել է մարզիչը։

Սանյոլը գովել է թիմի մթնոլորտն ու առանձնացրել Իրակլի Ազարովի և Սաբա Գոգլիչիձեի առաջընթացը։ Նա նաև ուրախություն է հայտնել Խվիչա Կվարացխելիայի՝ Իտալիայում թողած հետքի և վրացի ֆուտբոլիստների հաջողությունների կապակցությամբ։

Հիշեցնենք, որ Վրաստանը Երևանում 3:0 հաշվով հաղթել էր Հայաստանին՝ գրեթե ապահովելով իր տեղը B դիվիզիոնում։ Թիմերը պատմության ընթացքում 8 անգամ են հանդիպել՝ 4 հաղթանակ է տարել Վրաստանի ընտրանին, 2 խաղ ավարտվել է Հայաստանի հավաքականի հաղթանակով, 2 խաղ ավարտվել է ոչ-ոքի։ Պատասխան խաղը կկայանա մարտի 23-ին, «Դինամո Արենայում», ժամը 18:00-ին։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Վաղվա խաղը կարևոր է, կներկայանանք ուժեղ կազմով․ Վրաստանի ազգային հավաքականի գլխավոր մարզիչ

Լրահոս

Փոխկապակցված նորություններ

Միջազգային լուրեր

Տնտեսություն