14:47:02 -2°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Մեզ ամենաշատը քննադատում են մեզ այն բանի համար, որ մինչև հիմա դատապարտված չեք. Կոնջորյանը՝ Սեյրան Օհանյանին

    22:00 20 Հունվար 2025

    Մեր ընտրողներն ու համակիրները ամենաշատը քննադատում են մեզ այն բանի համար, որ Դուք մինչև հիմա դատապարտված չեք, բանտարկված չեք: Մեզ ասում եմ՝ ինչո՞ւ Սեյրան Օհանյանը, լինելով պաշտպանության նախարար, թալանել է բանակը, և հիմա նստած չէ: Մեզ հիմա քննադատում են, ասում են՝ հերիք չէ՝ դատապարտված չէ, նաև պատգամավոր է, գալիս է, ելույթներ է ունենում... Այս մասին այսօր ԱԺ-ում իր ելույթի ժամանակ ասաց «Քաղաքացիական պայմանագիր» խմբակցության ղեկավար Հայկ Կոնջորյանը՝ արձագանքելով իշխանությաննն ուղղված՝ Սեյրան Օհանյանի քննադատություններին:

    Կոնջորյանը, մասնավորապես, նշեց. «Բա եթե մենք այդքան ուզուրպատոր ենք, եթե ուզում ենք դատական իշխանությունը մեզ ենթարկեցնել, ինչո՞ւ են մեր համակիրները մեզ քննադատում այն բանի համար, որ դուք նստած չեք:

    Նույն բանն ասում են Ռոբերտ Քոչարյանի մասին: Ասում են՝ Ռոբերտ Քոչարյանը, Սերժ Սարգսյանը 20 տարի Հայաստանը թալանել են, ընտրակեղծարարությամբ են զբաղվել, Հայաստանը հարստահարել են, ասում են՝ ինչո՞ւ չեն նստած: Այսօր ամենաշատ հնչող քննադատությունը մեր իշխանության, մեր կառավարությանը, մեր կառավարող մեծամասնությանը, որ հայտնի թավիշ ասում են, դրա մասին է»:

    Նա հավելեց, որ երբ Սեյրան Օհանյանն ամբիոնից ելույթ է ունենում, մարդիկ դա ևս անվանում են «թավիշ»:

    ԿԱՅՔԻ ՀԻՆ ՏԱՐԲԵՐԱԿ

    Լրահոս