Հակոբ Սերոբյանի շնորհիվ մարմնամարզությունը վերածնունդ ապրեց մեր երկրում․ ՀՄՖ նախագահ

16:54 5 Օգոստոս 2024

Հայաստանի մարմնամարզության ֆեդերացիայի նախագահ Գագիկ Վանոյանը ֆեյսբուքյան էջում արած գրառմամբ արժանին է մատուցել սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանին։

«Հակոբ Սերոբյան. Մարդ, ում շնորհիվ մի ծաղկով գարուն եկավ մեր մարզաձևում, ում շնորհիվ մարմնամարզությունը վերածնունդ ապրեց մեր երկրում։ Սիրելի՛ մարզիչ, սիրելի՛ ԸՆԿԵՐ ՀԱԿՈԲ, ԴՈՒՔ արեցիք սա լուռ՝ բազմաթիվ դժվարություններ հաղթահարելով, գնացիք ՁԵՐ նպատակի հետևից, երբեք որևէ մեկին ցույց չտվեցիք, թե շատ հաճախ որքան դժվար է եղել ՁԵՐ համար, քանի որ երկար տարիներ բազմաթիվ խնդիրներ, որոնց ընդհարվել եք, կարողացել եք հարթել անաղմուկ և նպատակները, որ դրել եք ՁԵՐ առաջ , երևի ձեզանից բացի որևէ մեկը չի հավատացել դրանց իրականացմանը։ Անհնար էր հավատալ, որ մեր մարզաձևի համար կգան այնպիսի օրեր, երբ նվաճված Օլիմպիական արծաթե մեդալը մի պահ կտխրեցնի մեզ, մի պահ մենք բոլորս՝ աշխարհի ողջ հայությունը, մի ակնթարթ տխրության և հիասթափության զգացում կունենանք և դա վկայությունն է նրա, որ երբեմնի հայկական փառավոր մարմնամարզությունը վերածնունդ է ապրում. վերածնունդ է ապրում ՁԵՐ շնորհիվ և այո՛, կարևոր մեկ մարդը ԴՈՒՔ եք եղել, որ հավատացել եք այս ամենի իրագործմանը։

Ընկեր Հակոբ, ես գիտեմ ՝ որքան հավատքով եք ԴՈՒՔ ապրում առ Աստված և ԴՈՒՔ ունեիք հզոր առաքելություն՝ շենացնել մեր մարզաձևը և հետ բերել հայկական մարմնամարզության երբեմնի փառքը և ԴՈՒՔ դա արեցիք ու վստահ եմ՝ ՁԵՐ առաջնորդությամբ դեռ փառավոր հաղթանակներ ենք տոնելու:

Հակոբ Սերոբյան, հարգանք և խոնարհում Ձեզ»։

Սպորտային մարմնամարզության օլիմպիական մրցաշարում Հայաստանին արծաթե մեդալ բերեց Տոկիո-2020-ի բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը, որը մասնակցեց հենացատկի մրցմանը։ Վահագն Դավթյանը օղակների վարժության եզրափակիչում գրավեց 6-րդ տեղը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Հակոբ Սերոբյանի շնորհիվ մարմնամարզությունը վերածնունդ ապրեց մեր երկրում․ ՀՄՖ նախագահ

Լրահոս

Փոխկապակցված նորություններ

Միջազգային լուրեր

Տնտեսություն