Չի կարելի գիշեր-ցերեկ ասել՝ «մեզ ցեղասպանել է մի երկիր ու ամեն օր պետք է դրա մասին խոսենք», ո՛չ. Հակոբ Արշակյան

16:05 14 Նոյեմբեր 2024

Ազգային ժողովի փոխնախագահ Հակոբ Արշակյանը փակագծեր է բացել իրենց առաջ քաշած «իրական Հայաստան»-ի մասին։

«Երբ խոսում ենք իրական և պատմական Հայաստանի հակադրության մասին, խոսում ենք այն բանի մասին, որ մարդիկ անուրջներով չապրեն, այդ թվում՝ նաև դուք, որովհետև մարդը, որը գնում, խաղամոլությամբ է զբաղվում, նրանից է, որ նա անուրջներով է ապրում, իրեն թվում է, թե միլիոնատեր է դառնալու։ Իրական Հայաստանն էլ է դրա մասին, դուք ուզում եք՝ մարդիկ գնան կազինո, խաղան, գիտե՞ք ինչի վրա՝ պատմական Հայաստանի: «Ձեռք կբերեք պատմական Հայաստան, գնացե՛ք և 1000 դոլար դրեք, կազինոյում կրվեք ձեր էսօրվա ունեցածը, ձեր քրտինքը, ձեր ծնողների վաստակը, այսօրվա ունեցած ձեր տունը, որովհետև Վանա լճի ափին վաղը կարող է վիլլա ունենաք»:

Մի արեք դա, որովհետև մենք ասում ենք՝ իրական Հայաստանում ձեր ամենօրյա քրտինքով պետք է դառնաք այդ միլիարդատերը, և դուք այսօր արդեն միլիարդատեր եք, որովհետև Հայաստան ունեք, անկախություն ունեք: Դրան հոգատարությամբ վերաբերվեք»,- դիմելով ԱԺ ընդդիմությանն՝ ասաց Հակոբ Արշակյանը։

Նա կոչ է անում ամեն քաղաքացու հոգատարությամբ վերաբերվել, ամեն աղբ թափողին ասել՝ «ես կվերցնեմ քո փոխարեն աղբը»։

ԱԺ փոխնախագահի խոսքով՝ չի կարելի գիշեր-ցերեկ քնել ու արթնանալ և ասել՝ «մեզ ցեղասպանել է մի երկիր և մենք ամեն օր պետք է դրա մասին խոսենք»։

«Ոչ, մենք այսօր ունենք երկիր, այդ երկիրը հոգատարության կարիք ունի: Ի՞նչ քար եք դնում մեր պետության և պետականության ակունքներում, զարգացման հիմքի վրա։ Իրական Հայաստանը կա, կեցցե Հայաստանի Հանրապետությունը»,- հավելեց Արշակյանը։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Չի կարելի գիշեր-ցերեկ ասել՝ «մեզ ցեղասպանել է մի երկիր ու ամեն օր պետք է դրա մասին խոսենք», ո՛չ. Հակոբ Արշակյան

Լրահոս

Փոխկապակցված նորություններ

Տնտեսություն

Հասարակություն