00:00:44 25°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ռուս հաքերներին կասկածել են «Եվրատեսիլ-2022»-ի քվեարկության ժամանակ DDoS-հարձակում իրականացնելու մեջ

    10:58 16 Մայիս 2022

    Անհայտ հաքերները փորձել են խանգարել «Եվրատեսիլ-2022» երգի մրցույթի եզրափակչի անցկացմանը, սակայն համակարգչային հանցագործությունների դեմ պայքարի գծով մասնագետներին հաջողվել է կանխել դա: Այս մասին Twitter-ում հայտնել է իտալական ոստիկանության մամուլի ծառայությունը, գրում է DW-ն:

    Հաքերներն առաջին կիսաեզրափակչի օրը փորձել են ներխուժել մրցույթի համակարգչային ցանց, ինչպես նաեւ այսպես կոչված՝  DDoS-հարձակումներ իրականացնել մայիսի 15-ին կայացած եզրափակիչ քվեարկության ժամանակ: Փորձագետների կարծիքով՝ հարձակումների հետեւում կարող է կանգնած լինել Killnet ռուսական հաքերային խումբը:

    Ռուսաստանը զրկված է եղել 66-րդ «Եվրատեսիլին» մասնակցելու հնարավորությունից: Հաղթանակը մրցույթում տարել է Kalush Orchestra ուկրաինական խումբը:

    Կիրակի Վրաստանի եւ Ադրբեջանի ազգային հեռարձակողները հայտնել էին, որ սխալ է եղել ազգային ժյուրիի քվեարկության հրապարակված արդյունքների առնչությամբ: Երկու երկիրն էլ ընդգծել են, որ իրենց ժյուրին 12 միավոր է տվել Ուկրաինային եւ ոչ թե Մեծ Բրիտանիային, ինչպես նշված է եղել մրցույթի աղյուսակներում:  

     

    ԿԱՅՔԻ ՀԻՆ ՏԱՐԲԵՐԱԿ

    Լրահոս