22:41:07 25°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ռուս միլիարդատերերը 2022-ի սկզբից գրեթե 36 միլիարդ դոլար են կորցրել

    20:50 1 Հուլիս 2022

    Ռուս միլիարդատերերի ընդհանուր կարողությունը 2022-ի սկզբից կրճատվել է 35.94 միլիարդ դոլարով, «ՌԻԱ Նովոստի»-ն հաշվել է այդ գումարը Bloomberg Billionaires Index (BBI) վարկանիշի տվյալների հիման վրա։

     

    BBI վարկանիշում ներառված են աշխարհի 500 ամենահարուստ մարդիկ, այդ թվում՝ Ռուսաստանի 26 քաղաքացի։ Նրանց ընդհանուր կարողությունը հուլիսի 1-ի դրությամբ 354.64 մլրդ դոլար էր կազմում:

     

     

    Ամենաշատը կորցրել է պողպատի եւ հանքարդյունաբերության «Սեվերստալ» ընկերության համասեփականատեր Ալեքսեյ Մորդաշովը։ Նրա կորուստները 5.94 մլրդ դոլար են կազմել, իսկ կարողությունը կրճատվել է մինչեւ 22.9 մլրդ դոլար։

     

    Հարստությամբ առաջատարը լեռնամետալուրգիական «Նորնիկել» ընկերության հիմնական սեփականատերերից Վլադիմիր Պոտանինն է։ Նա, հակառակը, 2022-ի սկզբից ավելացրել է իր կարողությունը 4.39 միլիարդ դոլարով՝ մինչեւ 35.2 միլիարդ դոլար:

     

    Զգալիորեն կրճատվել է «Նովատեկ» բնական գազի ընկերության համասեփականատեր Լեոնիդ Միխելսոնի կարողությունը։ Նա զբաղեցնում է երկրորդ հորիզոնականը։ Նրա կորուստները 3.53 մլրդ դոլար են կազմել, այժմ նա ունի 28.9 մլրդ դոլար։

    ԿԱՅՔԻ ՀԻՆ ՏԱՐԲԵՐԱԿ

    Լրահոս