10:06:12 5°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Պապը իտալացիներին կոչ է արել շատ երեխաներ ունենալ եւ ընդունել ներգաղթյալներին

    20:12 25 Սեպտեմբեր 2022

    Հռոմի Ֆրանցիսկոս պապը այցելել է հարավային Իտալիա՝ ավարտին հասցնելու իտալական եկեղեցիների համագումարը, որը համընկել է Իտալիայի համապետական ​​ընտրությունների հետ եւ ուղերձ է հղել՝ անդրադառնալով ներքին քարոզարշավի հիմնական խնդիրներին, ներառյալ ներգաղթին, հաղորդում է AP լրատվական գործակալությունը:

    Մատերայում անցկացված բացօթյա պատարագի ավարտին Ֆրանցիսկոսը կոչ է արել իտալացիներին ավելի շատ երեխաներ ունենալ:

    «Ես կցանկանայի խնդրել. ավելի շատ ծննդաբերեք, ավելի շատ երեխաներ ունեցեք», - ասել է Ֆրանցիսկոսը:

    Իտալիան աշխարհում ծնելիության ամենացածր ցուցանիշ ունեցող պետություններից մեկն է, եւ Ֆրանցիսկոսը հաճախ ողբում էր նրա «ժողովրդագրական ձմեռը»:

    Ֆրանցիսկոսը խոսել է նաեւ Իտալիայում առա դարավոր խնդրի մասին՝ հիշեցնելով, որ կիրակի օրը համընկել է Կաթոլիկ եկեղեցում ներգաղթյալների եւ փախստականների համաշխարհային օրվա հետ։ Ֆրանցիսկոսը կոչ է արել կերտել ապագա, որտեղ «Աստծո ծրագիրը» իրականացվի, եւ ներգաղթյալներն ու մարդկային թրաֆիքինգի զոհերը ապրեն խաղաղ եւ արժանապատիվ, ինչպես նաեւ ավելի «ընդգրկուն ու եղբայրական ապագայի»:

    «Ներգաղթյալներին պետք է ողջունել, ուղեկցել, խրախուսել եւ ինտեգրել», - հավելել է նա:

    Պապի ուղեւորությունը դեպի Մատերա, հարավային Բազիլիկատա քաղաք, որը հայտնի է իր քարանձավային կացարաններով, վերջին րոպեին աննշան փոփոխության է ենթարկվել՝ գիշերվա ընթացքում Իտալիայի թերակղզու մեծ մասը պատուհասած փոթորիկների պատճառով. Ֆրանցիսկոսը ի սկզբանե ուղղաթիռով թռիչք պիտի կատարերր կիրակի առավոտյան:

    ԿԱՅՔԻ ՀԻՆ ՏԱՐԲԵՐԱԿ

    Լրահոս