«Արցախյան մշակույթի պահպանման գործընթացի մեկնարկը տրվեց». «Գագիկ Ծառուկյան» բարեգործական հիմնադրամը «Մենք կանք» նախաձեռնության կողքին է
Հունաստանի ԱԳ նախարարը մտադիր է մոտ ապագայում այցելել Հայաստան
«Հաջողություն եմ մաղթում քեզ, Արա՛ս». Վարդան Մինասյանն իր աջակցությունն է հայտնել Օզբիլիզին
Արկադյա Հարությունյանը որոնվում է որպես անհետ կորած
Այսօր Ադրբեջանի բանտում գտնվում են Փաշինյանի քաղաքական հակառակորդները. Խաչատրյան
Հնդկաստանի հետ հարաբերությունների խորացումը կարևոր քայլ է «Խաղաղության խաչմերուկ» ծրագրի իրագործման ճանապարհին. Հակոբ Արշակյան
Մեզ համար առաջնայինը յուրաքանչյուր կարիքավոր երեխայի ձեռք մեկնելն է. 1946թ.-ի դեկտեմբերի 11-ին ստեղծվել է ՅՈՒՆԻՍԵՖ-ը
Հայաստանի իրավիճակը մեր ամուր աջակցությունն է պահանջում. Բորել
Թոքմաջյանը` ագրարայինի ռեկտո՞ր. Yerkir.am
Ալիևը կրկին ստել է, առնվազն 21 խաղաղ բնակիչ, այդ թվում՝ 6 երեխա, 7 ծեր, 2 կին զոհվել է ԼՂ-ում սեպտեմբերյան ագրեսիայի հետևանքով. Արտակ Բեգլարյան

Մի քանի հազար ընտանիք մեկ օրում զրկվեց ընտանեկան նպաստից. Զոհրաբյան

15:07 26 Նոյեմբեր 2022

Հայաստանի թույն կառավարությունը ամիսներ շարունակ Bosch սառնարանի գովազդից մի քանի դոզա ավել էքսպանսիայով գովազդեց թոշակները հազար 800 դրամով բարձրացնելու ժողովրդի հայր Նիկոլի ժեստը։ Այս մասին ֆեյսբուքյան իր էջում գրել է ԱԺ նախկին պատգամավոր Նաիրա Զոհրաբյանը։

«Հետո որոշեցին շաբաշի կարգով մի ժեստ էլ անել ու բազմաչարչար, քարից հաց քամող, իսկ վերջին չորս տարում անդիմադրելի հպարտ քաղաքացիների թոշակը բարձրացնել «օբշի սչյոտ» 3 հազար դրամով։

Կառավարության մի քանի նիստի պրեամբուլա նվիրվեց ազգի սրբազան հոր պատմական ակտին, նախարարներ ու պատգամավորներ կամեռաները կրծելով, պանոսի ինտենսիվությամբ պատմեցին նիկոլակառավարության դարի սրբազան ակցիայի մասին։
Թոշակառուները հպարտ էին, նրանք այլեւս 3 հազար դրամ ավելի ստացող վարչապետեր էին։

Ու՝ վդրուգ, պարզվում է, որ ընդամենը 3 հազար դրամ թոշակ բարձրացնելով ժողկառավարությունը Հայաստանի հանրապետության մի քանի հազար քաղաքացիների զրկել է նվազագույնը 18 հազար դրամ ընտանեկան նպաստից։

Միայն Գյումրիում երեկ 479 ընտանիք զրկվել է նվազագույնը 18 հազար դրամ նպաստից. նրանց փոստային բաժանմունքներում տոնական անակնկալ է սպասվել՝ իրենց անուններն այլեւս չեն եղել նպաստառուների ցուցակում։ Ու հիմանկանում միայնակ ապրող տարեցներն են դուրս մնացել համակարգից, որովհետեւ թոշակի 3 հազար ավելացումը վերջիններիս ավտոմատ դուրս է շպրտել անհրաժեշտ բալային համակարգի շեմից։
Եւ սա ձմռան շեմին։

Մոտավոր հաշվարկներով մի քանի հազար թոշակառու ողջ հանրապետությունում զրկվել է ընտանեկան նպաստից, բայց նրանց մի մասը դեռ տեղյակ էլ չի, որ իրենք այլեւս ընդամենը 3 դրամ ավելացված թոշակով սիրելի քաղաքացիներ են։

Հայաստանում իշխանություն չկա։ Ու եթե հայաստանյան ընդդիմությունը չլիներ քաղաքական հանգուցյալների կուտոկ, ձմռան շեմին մի քանի հազար մարդու 3 հազար դրամ տալով 18-ից մինչեւ 35-45 հազար դրամից զրկելու այս գրանդիոզ իդոտիզմը պիտի լիներ բոլոր ամբիոնները պայթեցնող թիվ մեկ հարցերից մեկը։

Բայց մեռելներից բան չեն պահանջում. նրանց վրա ընդամենը ծաղիկ են դնում՝ օրինակ, սպիտակ, ռաբիս մեխակ»,- գրել է Զոհրաբյանը։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Տնտեսություն

ՏԵՍՆԵԼ ԱՎԵԼԻՆ

Հասարակություն

ՏԵՍՆԵԼ ԱՎԵԼԻՆ