06:40:09 5°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Վախճանվել է Ռուսաստանի վաստակավոր արտիստ Հենրիխ Ղազարյանը

    19:50 15 Հունվար 2023

    Կյանքի 82-րդ տարում վախճանվել է Ռուսաստանի վաստակավոր արտիստ Հենրիխ Ղազարյանը, «Վկոնտակտե» սոցիալական ցանցում հայտնել է Տվերի Պատանի հանդիսատեսի թատրոնը:

    «Մեծ ափսոսանքով հայտնում ենք, որ մեր թատրոնը կորցրել է գործընկերոջը, ընկերոջը և ականավոր պրոֆեսիոնալին»,- ասված է հաղորդագրության մեջ:

    Նշվում է, որ Տվերի ՊՀԹ-ն ցավակցություն է հայտնել արտիստի ընտանիքին և մտերիմներին։ Արտիստի հետ հրաժեշտի օրն ու վայրը դեռ ճշտվում են։

    Հենրիխ Ղազարյանը ծնվել է 1940 թվականի հուլիսի 30-ին։ Սովորել է Տաշքենտի Ա․ Օստրովսկու անվան պետական թատերագեղարվեստական ինստիտուտում։

    1964 թվականին աշխատել է Մագնիտոգորսկի դրամատիկական թատրոնում։ 1971-1975 թվականներին՝ Կալինինի դրամատիկական թատրոնի դերասան, իսկ 1977 թվականից՝ Տվերի պատանի հանդիսատեսի թատրոնի դերասան։ Աշխատել է նաև Չիկմենտի, Տալլինի, Նովգորոդի, Իժևսկի, Նովոմոսկովսկի և Պետրոզավոդսկի դրամատիկական թատրոններում։

    Ղազարյանը հայտնի է մի շարք ներկայացումներում ունեցած դերերով։ Հանդես է եկել նաև որպես բեմադրիչ։ Նա խաղացել է Չիմկենտի (Շիմկենտ), Մագնիտոգորսկի, Տալլինի, Նովգորոդի, Իժևսկի, Նովոմոսկովսկի, Մագնիտոգորսկի, Պետրոզավոդսկի, Կալինինի (Տվեր) դրամատիկական թատրոններում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս